ရခိုင်ပြည်နယ် မှ လေယာဉ်ငယ် ၊ သင်္ဘော ငယ်များပြုလုပ်ပြီး မြန်မာပြည် အနှံ့ ပို့ ဆောင် ရောင်းချနေတဲ့ မြန်မာလူငယ် တစ်ဦး

ရခိုင်ပြည်နယ် မှ လေယာဉ်ငယ် ၊ သင်္ဘော ငယ်များပြုလုပ်ပြီး မြန်မာပြည် အနှံ့ ပို့ ဆောင် ရောင်းချနေတဲ့ မြန်မာလူငယ် တစ်ဦး

ရခိုင်ပြည်နယ်၊ သံတွဲမြို့နယ်၊ ကွင်းဝိုက်ကျေးရွာမှ အသက် ၃ဝ အရွယ် ဦးကိုကိုရဲထွဋ် မှ သူ၏ ဝါသနာအရ အချိန်အတန်ကြာ လေထဲဝဲ ပျံနိုင်သည့် လေယာဉ်ငယ် အသေးစားများနှင့် ရေပေါ် ခုတ်မောင်း နိုင်သည့် သင်္ဘောများ ကို ဖန်တီးကာ လာရောက် ဝယ်ယူသူများအား ရောင်းချပေးလျက် ရှိကြောင်း သတင်း ရရှိသည်။

ဦးကိုကိုရဲထွဋ် သ ည် Remote control ဖြင့် မောင်းနိုင်သည့် အလျား ၁ဝ လက်မ မှ ၈ ပေအထိ ရှည်လျားသော သင်္ဘောအသေးစားများ၊ ၄ ပေမှ ၆ ပေအထိ ရှည်လျားသော ခရီးသ ည် တင် လေယာဉ်ပုံစံ ၊

တိုက်လေယာဉ် ပုံစံ လေယာဉ်ငယ်များ၊ လူစီးကိုယ်ပိုင်လေယာဉ်ငယ် ပုံစံ စသည့် လေယာဉ်အသေးစားများနှင့် ရေပြင်ပေါ်တွင် မိနစ်အနည်းငယ်ကြာ ခုတ်မောင်သွားပြီးမှ လေပေါ်သို့ ပျံတက် သည့် လေယာဉ် ငယ်များအား ဖန်တီး ပြုလုပ်ကာ ရောင်းချလျက် ရှိကြောင်း ၄င်းက ပြောသည်။

“ လေယာဉ်တွေ က ပျံနိုင်တဲ့ အမြင့်ပေက အတိကျ ပြောမရဘူး ။ လေယာဉ် ဒီဇိုင်း၊ လေတိုက်နှုန်းတွေအပေါ် မှာ မူတည်တယ် ။ အဲဒါတွေကို လက်နှိပ်ကိရိယာ ရီမုတ် နဲ့ အသုံးပြုရတာပါ။ ဒါပေမယ့် လူတက်စီး လို့တော့ အဆင်မပြေဘူး ။

အဲဒါတွေကို လေယာဉ်ကွင်းနဲ့ နီးတဲ့နေရာတွေ မှာ မမောင်းရဘူး ။ လူအရမ်းများ တဲ့ နေရာတွေမှာ ဥပဒေအရ မမောင်းရဘူး ။ အပျော်တမ်းအနေနဲ့ ပဲ သုံးဖို့အတွက်ပါ။

တချို့က အမှတ်တရ အဖြစ် သိမ်းထားကြဖို့ အတွက်လည်း ပါတယ်ပေါ့ ” ဟု ဦးကိုကိုရဲထွဋ်က နိရဉ္စရာသို့ ပြောသည်။

၎င်း သင်္ဘောနှင့် လေယာဉ် အသေးစားများ ပြုလုပ်ဖန်တီးရန် အွန်လိုင်းမှတစ်ဆင့် ကုန်ကြမ်းပစ္စည်းများကို မှာယူရခြင်းဖြစ်ပြီး ပြုလုပ်ပြီးဖြစ်သော ၎င်းအသေးစားယာဉ်ငယ်များအား မြစ်ကြီးနား၊

ဘားအံ၊ မြဝတီ၊ တနင်္သာရီ၊ ရန်ကုန်၊ မန္တလေး၊ မိတ္ထီလာတို့မှ အော်ဒါမှာယူသူများထံ ပို့ပေးရကြောင်းလည်း သူက ဆက်ပြောသည်။

ဦးကိုကိုရဲထွဋ် မှာ စတုတ္ထတန်း အရွယ်မှစပြီး အဆိုပါ ယာဉ်များ ဖန်တီးရခြင်း ကို ဝါသနာပါခဲ့ကာ ၂ဝ၁၆ ခုနှစ်မှစပြီး သူ၏ ဝါသနာအား အကောင်ထည်စဖော်ခဲ့ခြင်းဖြစ်ကြောင်း လည်း ပြောသည်။

“ငယ်ငယ်ကတည်းက အရမ်းဝါ သနာပါခဲ့တာပါ။ ကျွန်တော် လေးတန်းတုန်း ကဆိုရင် ကျောင်းနေသူငယ်ချင်းနဲ့ ဖိနပ်တွေမှာ မော်တာတွေ တပ်ပြီး ရေမှာ မျောခဲ့ဖူးတယ် ။ သင်္ဘောလုပ်ရတာက ခက်တ ယ်။ လေယာဉ်က သိပ်မခက်ဘူး ။

သင်္ဘောတွေ ဆိုရင် သုံးသိန်း၊ လေးသိန်း၊ နှစ်သိန်းခွဲ အဲဒီလို အချို့ချို့ ရောင်းပါတယ် ။ ကာဗာအပေါ် မူတည်တာပေါ့။” ဟု ၄င်းက ဆက်ပြောသည်။

ရုပ်သံကြည့်ရန်(၁)

ရုပ်သံကြည့်ရန် (၂)

ဦးကိုကိုရဲထွဋ်သည် အသက် ၃ဝ အရွယ်ခန့်ရှိပြီး လက်ရှိတွင် ယင်း ယာဉ်များပြုလုပ်ကာ ရောင်းချခြင်းဖြင့် သူ့မိသားစု၏ စားဝတ်နေရေးအတွက် ကြိုးပမ်းနေရသူဖြစ်ကြောင်းလည်း သိရသည်။

ဆောင်းဇာခြည်